Lirieke: Massimo Ranieri. Macchie 'E Culore. Mierolo Affurtunato.

A ll'acqua chiara e fresca,
a ll'acqua 'e tre funtane,
mme so' lavato 'e mmane...

E mme ll'aggio asciuttate
'e n'albero a li ffronne
addo' canta nu mierolo cianciuso
e s'annasconne...

Mierolo affurtunato,
Viato a chi te sente!...
'Sta voce, alleramente,
sceta 'o silenzio attuorno...
e tremmano sti ffronne
addo' canta ll'auciello apprettatore
e s'annasconne!

Pur'io cantavo: io pure,
cuntenta e affurtunata,
tutt''a santa jurnata...

- St'uocchie! Ah, quante so' belle!
E chesti ttrezze jonne!
- mme dicett'uno. - E 'sta faccia ca ride
e s'annasconne! -

Mierolo affurtunato,
Viato a chi te sente!...
'Sta voce, alleramente,
sceta 'o silenzio attuorno...
e tremmano sti ffronne
addo' canta ll'auciello apprettatore
e s'annasconne!

Mo chiagnono cu mico
ll'arbere, ll'erba, 'e ffronne...
e ll'eco mme risponne...

Cchiu 'sta faccia nun ride,
ma 'e lacreme se 'nfonne:
Dint'a sti mmane meje, rossa se 'nzerra
e s'annasconne!...

Mierolo affurtunato,
Viato a chi te sente!...
'Sta voce, alleramente,
sceta 'o silenzio attuorno...
e tremmano sti ffronne
addo' canta ll'auciello apprettatore
e s'annasconne!