Lirieke: Canta U Populu Corsu. Vogliu Scrive U To Nome.

Sopr'a e porte di e scole
Nentru a i libri ind'e fole
U to nome in ogni locu
Sbuccia in lettare di focu
Liberta !

Sopr'a u volu di l'acellu
Ind'e u sguardu di u zitellu
Per l'orfagnu inghjuliatu
Per u vechju abbandunatu
Liberta !

Per e surgenti cristalline
Ind'e e piove di e muline
Intornu a l'aghja a u piazzile
A u fucone a u casgile
Liberta !

Nant'a e neve di Ritondu
Sopr'a u mare prufondu
E petre di l'alte cunfine
I rinaghji di e marine
Liberta !

Per u cuccu e u culombu
Per a chjama e u ribombu
Per u fiore muntagnolu
U secretu machjaghjolu
Liberta !

In l'anticu campusantu
Cu a santa croce accantu
In cima di u campanile
Nant'a u ceppu di u fucile
Liberta !

Sopr'a Tavignanu e Golu
Sparghji in fine lu to volu
Per u solcu per a terra
Per a lingua e a bandera
Liberta !

Poi per ogni patriottu
Oghje incarceratu a tortu
Per ogni generazione
Di a Corsica Nazione
Liberta