Lirieke: Canta U Populu Corsu. Chjamu A Puesia. U Vagabondu.

Una fata peregrina s'he calata in lu mio core
Ella guida la mio strada cun furtuna e cun amore
Corre corre a l'infinita u ventu di la mio vita (bis)

Cum'e pane d'ogni ghjornu aghju una sporta di stelle
Per a luna e per u sole scrivu le mio riturnelle
Corre corre a l'infinita u ventu di la mio vita (bis)

Quandu d'inguernu la neve mi trova per s'alte cime
Cercu sempre qualch'agrottu per finisce le mio rime
Corre corre a l'infinita u ventu di la mio vita (bis)

Cum'e sposa aghju una musa, cum'e lettu aghju la terra
E le mio sole cunfine so la muntagna e la serra
Canta canta a l'infinita u ventu di la mio vita (bis)